Astanada kúıshiler alleıasy ashyldy
Jańa alleıa Abylaıhan dańǵyly men Kúıshi Dına kóshesiniń qıylysynda, Almaty aýdanynyń aýmaǵynda ornalasqan.
Jınalǵandar áýeli «Kúı anasy» atanǵan Dına Nurpeıisovanyń eskertkishine gúl shoqtaryn qoıyp, kúıshige qurmet kórsetti.
Qazaqstannyń eńbek sińirgen qaıratkeri, professor, kúıshi ustaz Orynbaı Dúısen men Almaty aýdanynyń ákimi Maqsat Samatuly«Kúıshiler alleıasynyń» lentasyn saltanatty túrde qıdy.
«Ultymyzdyń kúı óneriniń sańlaqtaryna arnaıy alleıa ashylǵaly tur. Bul uly dala órkenıetine, qazaqtyń rýhanı kemeldigine qoıylǵan eskertkish dep baǵalaýǵa da bolady. Kúıdiń ataýynan-aq qaı zamannyń zary men muńy, qýanyshy ekeniń birden ańǵarýǵa bolady. Qazaq tarıhynda Qorqyt baba, Ketbuǵa, Sarysaltan Asanqaıǵy men Qaztýǵan sııaqty uly kúıshilerdiń uly murasy halyq sanasynan óshken joq. Qazaq kúıshileri men kompozıtorlardyń aty granıt tasqa qashalyp jazylýy baıaǵy kóktúrikterdiń zamanyn eske túsiredi. Kúltegin men Bilge qaǵan jazýlary tasqa qashalyp kúni búginge deıin jetti. Kóktúrikterdiń bitik tasqa jazǵan amanaty qaıta jalǵasyn tapqandaı. Halyq jadynan shyqpaıtyn 101 adamnyń esimi tasqa ǵana emes, ultynyń júreginde jazyldy dep qaraýymyz kerek», - dedi jıynda sóz alǵan «Kúı anasy» respýblıkalyq qory janyndaǵy aqsaqaldar alqasynyń múshesi Ýálıhan Qalıjan .
Alleıanyń kireberisine, ortasyna - qazaq halqynyń shańyraǵy, eki jaǵyna - ınstallıatsııalyq úlgide mystan qúıylyp jasalǵan dombyra men qobyz ornatylǵan.
Sonymen birge, Almaty oblysy Qordaı eldi mekeninen jetkizilgen, kólemi 3h2 metrlik mármár tasqa ónerimen keńinen tanymal 101 kúıshiniń aty qashalyp jazyldy.
Qazaqstannyń mádenıet qaıratkeri, dırıjer, kompozıtor Nurlan Bekenovtyń jetekshiligimenelýge jýyq jas kúıshiden quralǵan ulttyq aspaptar orkestri, «Arqa áýenderi» ulttyq ansambli sol jerde kúı oınap, kelýshilerdiń kóńilinen shyǵa bildi,
Belgi tasty jasaǵan músinshi Jalyn Baýrqan, al ıdeıa avtory - professor Tólegen Qýanyshev.
