Astanada kúıikke shaldyqqan naýqastarǵa teri transplantatsııasy jasaldy
ASTANA. 15 naýryz. QazAqparat/Aınur Kenebaeva/ - Respýblıkalyq jedel medıtsınalyq kómek ǵylymı ortalyǵynyń kúıik jaraqaty bólimshesiniń mamandary QR Ulttyq bıotehnologııa ortalyǵymen birlese otyryp,
laboratorııalyq jaǵdaıda jasalǵan teri jasýshalaryn kúıikke ushyraǵan naýqastarǵa otyrǵyzý ádisin qoldanysqa engizip, birneshe kúrdeli operatsııalardy sapaly túrde jasap jatyr.
Bul týraly Ulttyq medıtsınalyq holdıngtiń baspasóz ortalyǵynan habarlady.
Aqparatta taratylǵan statıstıkalyq málimetke sáıkes, QR-da ár jyl saıyn 17000 adam kúıikke shaldyǵady. Kúıik statsıonarlarynda jyl saıyn 200-den astam adamnyń ólimi tirkeledi.
Aǵymdaǵy jyldyń 15 naýryzynda Respýblıkalyq jedel medıtsınalyq kómek ǵylymı ortalyǵynda 4 naýqasqa teri transplantatsııasy boıynsha kúrdeli 5 operatsııa jasalǵan. Sonyń ishinde aýqymdy kúıik jaraqatyn alǵan naýqastyń ekeýine teri plastıkasy jasaldy.
Qazirgi tańda Respýblıkalyq jedel medıtsınalyq kómek ǵylymı ortalyǵynyń kúıik jaraqaty bólimshesinde jasandy túrde ósirilgen teri jasýshalarynyń transplantatsııasyn jetildirý isi jalǵasyp jatyr.
Ortalyq bıotehnologtarmen birlese otyryp, jasýshalardan «tabıǵı teri» balamasyn jasaý tájirıbesin engizýdi jolǵa qoıýdy josparlap otyr.
