Astanada «Kúıeý jigit» qyzyn quldyqqa satpaqshy bolǵan
ASTANA. QazAqparat - Elordalyq polıtsııa qyzmetkerleri boıjetkendi seksýaldyq quldyqqa satpaqshy bolǵan árekettiń aldyn aldy, dep habarlady qalalyq ІІD.
«Tarazdyń 33 jastaǵy turǵyny ustaldy, ol Aqmola oblysynyń 20 jastaǵy turǵynyn seksýaldyq quldyqqa satý úshin aldap, Astanaǵa alyp kelgen», - delingen habarlamada.
Jábirlenýshiniń aqparatyna sáıkes ustalǵan jigit oǵan úılenemin, anammen tanystyramyn dep ýáde bergen. Osy jeleýmen qyzdy Astanaǵa shaqyryp, 50 myń teńge syılyq alyp, ony A-ǵa seksýaldyq quldyqqa satqan.
Jábirlenýshi kúdiktimen Almatyda tanysqan. QR QK 128-baby boıynsha sotaldy tergeý júrip jatyr. Ol aıǵaqty dálel berdi. D-nyń basqa osyndaı qylmysqa qatystylyǵynyń bar-joǵy tekserilýde. Ustalǵan adamǵa qatysty «qamaýda ustaý» bultartpaý sharasy qabyldandy.
