Astanada kúıdirgi dertin juqtyrý faktisi tirkeldi

Densaýlyq saqtaý mınıstrliginiń málimeti boıynsha, Astanada kúıdirgi (sibir jarasyn) juqtyrý faktisi tirkelgen, dep habarlaıdy Kazinform agenttigi.

«2023 jyldyń 10 qarashasyndaǵy jaǵdaı boıynsha, elimizde kúıdirgi juqtyrýdyń 38 jaǵdaıy tirkelgen. Jambyl oblysynda – 19, Aqmola oblysynda – 15, Qaraǵandy oblysynda – 3, Astanada – 1 syrttan ákelingen, sımptomsyz jaǵdaı», - delingen mınıstrliktiń redaktsııa saýalyna joldaǵan jaýabynda.

Onyń ishinde Qaraǵandy oblysyndaǵy bir jaǵdaı kisi ólimimen aıaqtalǵan.

Vedomstvo málimetinde kúdirgini juqtyrýdyń sońǵy derekteri 24 qarashada Qaraǵandy oblysynda tirkelgen. Aýrý taraǵan oshaqpen 31 adam baılanysta bolǵan. Qazir olardyń bárine bekitilgen medıtsınalyq baqylaý merzimi aıaqtalǵan. ıAǵnı, baılanysta bolǵan adamdardan sibir jarasynyń belgileri anyqtalmaǵan.

Qaraǵandy oblysy Topar kentiniń ákimi 8 qarasha kúni karantın rejımin alyp tastaý týraly sheshim qabyldaǵan bolatyn. Sibir jarasynyń bul óńirden basqa óńirlerge taraý faktisi tirkelmegen.