Astanada qutqarýshylar ózine qol jumsamaq bolǵan qyzdy aman alyp qaldy

ASTANA. KAZINFORM – Oqıǵa elordanyń Nura aýdany, Q.Muhamedhanov kóshesindegi kóp qabatty úılerdiń birinde boldy, dep habarlaıdy QR Tótenshe jaǵdaılar mınıstrliginiń baspasóz qyzmeti.

Qutqarýshylardyń kelip jetkende 2000 jyl týǵan qyz 10 qabatty turǵyn úıdiń 4-shi qabatynda ózine qol jumsaý úshin tereze jaqtaýynda turǵan.

Jedel-qutqarý jasaǵynyń qutqarýshylary qyzben áńgimelesip, onyń nazaryn aýdardy. Osy mınýttarda qutqarýshylar jedel túrde AIK-90 jáne «Ómir tekshesin» ornalastyrdy.

- Olar sondaı-aq páterge kirip, qyzdy terezeden ishke kirgizip, oqıǵanyń mán-jaıyn anyqtaý úshin polıtsııa qyzmetkerlerine tapsyrdy, - delingen habarlamada.

Osyǵan deıin Aqtóbelik polıtseılerdiń óz-ózine qol jumsamaq bolǵan turǵyndy aman alyp qalǵanyn jazdyq.