Astanada qutqarýshylar balalardyń terezeden qulaý qaýpi týraly eskertti
ASTANA. KAZINFORM — Elordalyq TJD mamandary balalardyń terezeden qulaý oqıǵalarynyń aldyn alý boıynsha ata-analarǵa úndeý jasady, dep habarlaıdy Astana ákimdiginiń resmı saıty.
— Kún jylynǵan sátten bastap qaýipsizdik sharalaryna kóbirek kóńil bólý kerek, — deıdi elordalyq qutqarýshylar.
Balalar jaraqatyn azaıtýdyń negizgi qaýipsizdik erejeleri:
— úıde kishkentaı bala bolsa, terezelerdi ashyq qaldyrmańyz, óıtkeni bul balanyń ómiri men densaýlyǵy úshin úlken qaýip bolmaq;
— balalardy qaraýsyz qaldyrmańyz, ásirese terezeniń aldynda oınatpańyz;
— terezedegi masalardan qorǵaıtyn torǵa súıenip turýǵa bolmaıdy, bala sol torǵa aldanyp, qulap ketýi múmkin;
— balanyń terezeni óz betinshe ashýyna kedergi keltiretin qaýipsizdik qulyptaryn (blokatorlar) ornatý kerek;
— bala terezeniń aldyna shyǵyp ketpes úshin jıhazdy terezeniń janyna qoımańyz.
Budan buryn Astanada 3 jasar bala terezeden qulap mert bolǵanyn jazǵan edik.
