Astanada qutqarýshylar 30 metr bıiktiktegi kópirden er adamdy aman alyp qaldy
ASTANA. KAZINFORM — Astanada TJM qutqarýshylary «Qaraótkel» kópiriniń doǵasyna shyqqan er adamdy qaýipsiz jerge túsirip, qaıǵyly jaǵdaıdyń aldyn aldy. Bul týraly TJM málim etti.
Vedomstvonyń málimetinshe, Saryarqa aýdanynda polıtsııa qyzmetkerlerine kómek kórsetý qajettigi týraly aqparat kelip túsken.
— Er adam «Qaraótkel» kópiriniń doǵasyna shyǵyp, shamamen 30 metr bıiktikte bolǵan. Oqıǵa ornyna TJM kúshteri men quraldary dereý jiberildi. Jedel is-qımyl barysynda qutqarýshylar alpınıstik qural-jabdyqtardy paıdalanyp, er adamdy bıiktikten qaýipsiz túsirdi. Er adam qutqarylyp, polıtsııa qyzmetkerlerine tapsyryldy, — delingen habarlamada.
Buǵan deıin Almatyda qutqarýshylar taýda jaraqattanǵan týrıstke kómek kórsetkenin jazǵan edik.
