Astanada kúshtik qurylymdar FPV-dron operatorlarynyń týrnıri ótti
ASTANA. KAZINFORM – 25-26 qyrkúıekte elordada QR Memlekettik kúzet qyzmetiniń uıymdastyrýymen kúshtik qurylymdardaǵy FPV-dron operatorlary arasynda Millitary Drone Race 2.0 týrnıri ótti.
Saıys pılotsyz avıatsııalyq júıelerdi (PAJ) jaýyngerlik jáne kásibı daıarlyqta qoldanýdy damytýǵa, ony kıbersport elementterimen jáne ozyq tehnologııalarmen kiriktirýge, sondaı-aq bólimshelerdiń tehnıkalyq áleýetin jetildirýge baǵyttaldy.
Týrnır sonymen qatar sala mamandarynyń kásibı deńgeıin arttyrýǵa, olardyń ózara árekettesýin, bilim jáne tájirıbe almasýyn qoldaýǵa arnaldy.
Baǵdarlama PAJ basqarý boıynsha birneshe jattyǵýdy qamtıtyn eki kezeńnen turdy. Júldeli oryndar úshin memlekettik kúshtik qurylymdardyń FPV-dron operatorlarynyń 14 komandasy baq synady.
Eki kúndik saıys qorytyndysy boıynsha jeńimpazdar:
1-oryn – QR MKQ 1-komandasy;
2-oryn – QR MKQ 2-komandasy;
3-oryn – QR UQK «A» qyzmeti komandasy.
Kúshtik qurylymdar FPV-dron operatorlarynyń saıysy ekinshi ret uıymdastyryldy.
Alǵashqy týrnır bıylǵy sáýir aıynda ótip, onda MKQ, UQK «A» qyzmeti jáne Radıoelektronıka jáne baılanys áskerı-ınjenerlik ınstıtýtynyń quramalary jeńimpaz atanǵan bolatyn.
Aıta keteıik, Qazaqstandyq oqýshylar FIDA dron-sokker boıynsha álem chempıonatyna qatysyp jatyr.