Astanada kúshti jel turatyny eskertildi
ASTANA. QazAqparat - 22 shildede Aqmola oblysynda jáne Qazaqstan astanasynda kúshti jel turatyny eskertildi. Bul týraly Qazgıdromet habarlady.
«22 shildede Aqmola oblysynda ońtústik-batystan soqqan jel túnde keı jerlerde 15-20 m/s-qa jetip, óńirdiń basym bóliginde jeldiń ekpini 17-22 m/s bolady. Astanada 22 shildede tańǵerteń jáne kúndiz ońtústik-batystan soqqan jeldiń uıtqýy 15-20 m/s-qa jetedi», - delingen habarlamada.
Sonymen qatar saıtta 22-24 shilde kúnderindegi aýa raıy boljamy berilgen. Qazgıdromettiń málimetterinshe, kindigi Qostanaı oblysy ústinde bolǵan belsendi tsıklon Qazaqstannyń barlyq aýmaǵyn óz yqpalyna alady. «Osy tsıklonnyń áserinen respýblıkanyń soltústiginde jańbyr jaýyp, keı jerlerde nóserletedi. Taıaýdaǵy úsh táýlikte tsıklon osy aýmaqta bolǵan kezde soltústikte kúshti jańbyr jaýýy saqtalady, Qazaqstannyń ortalyǵy men shyǵysynda kún kúrkirep, ótkinshi jańbyr jaýady, kún kúrkiregen kezde jel 15-23 m/s-qa deıin kúsheıedi, aýanyń temeratýrasy ádettegiden 4-8 gradýsqa tómendeıdi. Respýblıkanyń batysynda kún ashyq bolady, munda aýanyń temeratýrasy kúndiz 27-30 gradýstan 28-37 gradýsqa deıin joǵarylaıdy. Ońtústikte jáne ońtústik shyǵysta kún ashyq bolyp, ystyq aýa raıy saqtalady, taýly jerlerde ǵana 24 shildede jańbyr jaýýy múmkin», - dep habarlandy saıtta.
