Astanada kúshti jel soǵady
ASTANA. QazAqparat - Astana qalasynyń TJ departamenti 30 mamyrda elorda aýmaǵynda ońtústik-batystan soltústik-batysqa aýysyp, jyldamdyǵyna 15-20 m/s kúshti jel soǵýyp, aýa-raıynyń kúrt qubylýyna baılanysty qala turǵyndary men qonaqtaryna eskertý jasady, dep habarlaıdy QazAqparat Astana ákimdiginiń saıtyna silteme jasap.
Kúndiz jańbyr jaýady, keı jerlerde qatty jel soǵady dep kútilýde. Kún raıynyń buzylýyna baılanysty vedomstva mamandary turǵyndardy birqatar saqtyq sharalaryn ustanýǵa shaqyrady. Ekpini kúshti jel soqqanda úıdegi nemese páterdegi terezerlerdi myqtap jabý kerek. Terezemen qorshalmaǵan, ashyq balkondar men lodjııalarda qatty jelden syrtqa ushatyn barlyq zattardy alyp tastaý qajet.
Sonymen qatar, mamandar turǵyndar men qala qonaqtaryna jel kóterilgende dalada jarnama qurylǵylary men ózge de ilinetin konstrýktsııalardan, elektr jelilelerinen, aǵashtardan alys turýǵa keńes beredi. Qaıǵyly jaǵdaıǵa dýshar bomas úshin barynsha saq bolýǵa shaqyrady. Úzilgen symdarǵa,teńselip turǵan aǵashtardan alys qashyqtyqta bolý qajet.
Kúshti jel soqqanda qala turǵyndary jaqyn mańdaǵy ǵımarattardy panalaýy qajet (bul - dúken, kitaphana, saýda úıi, úı podezi, kınoteatr bolýy múmkin).
Sondaı-aq mamandar turǵyndardy úlken aǵashtardyń astynda turmaýǵa, ásirese terek aǵashyn yqtamaýdy, olardyń astyna kólik qoımaýǵa keńes beredi. Sebebi aǵash qulaıdy nemese butalary synyp, qaýip tóndiredi. Shirigen, kóp jyl turǵan taldardan da alshaq júrý qajettigin eskertedi.
Elordanyń TJD mamandary turǵyndardan saq bolýdy, ári tótenshe jaǵdaı týyndasa, «112» telefonyna qońyraý shalyp, jedel qyzmetke habarlasýdy suraıdy.
