Astanada qus tumaýy indetimen kúresýdi josparlaý máselesi talqylanýda
ASTANA. Qarashanyń 16-sy. QazAqparat /Quralaı Orynbekqyzy/ - Búgin Astanada «Joǵary zardapty qus tumaýy týyndaǵan jaǵdaıda el kóleminde jáne Ortalyq Azııa aýmaǵynda indetpen kúresýdi josparlaý» taqyrybynda halyqaralyq aımaqtyq semınar bastaldy,
dep habarlaıdy QazAqparat tilshisi.
Qarashanyń 20-na deıin sozylatyn atalmysh is-sharaǵa Aýǵanstan, Ázirbaıjan, Iran, Qazaqstan, Qyrǵyzstan, Pákistan, Tájikstan, Túrkııa, Túrikmenstan jáne Ózbekstannyń ókilderi, sondaı-aq qus tumaýy máselisi tóńireginde halyqaralyq sarapshylar jáne elimizdiń oblystyq deńgeıdegi veterınarlyq mamandary qatysyp otyr.
«Búgingi uıymdastyrylyp otyrǵan semınardyń mańyzy men máni zor. Qandaı aýrý bolsyn, onyń aldyn alǵan jón. Qus tumaýy taraı bastaǵanda, veterınarlardyń der kezinde qolǵa alǵan sharalarynyń arqasynda tumaýdyń keń taraýyna jol berilgen joq. Sol indettiń aldyn alý jáne onymen kúresýdi josparlaý sharalary 4 kúnge sozylatyn semınar aıasynda talqylanbaq», dedi óz sózinde QR Aýyl sharýashylyǵy mınıstrligi Agroónerkásiptik keshen memlekettik ınspektsııasy komıteti tóraǵasynyń orynbasary Ahmetjan Sultanov.
