Astanada qurylysy bitpegen úı qulap, úıindi astynan úsh adam qutqaryldy
ASTANA. QazAqparat - Astanada qurylysy bitpegen ǵımarat qulap, qutqarýshylar úıindi astynda qalyp qoıǵan úsh adamdy qutqaryp qaldy, dep habarlaıdy QazAqparat TJK baspasóz qyzmetine silteme jasap.
Olardy qutqarýǵa Ortalyq aımaqtyq aeroutqyr jedel-qutqarý jasaǵynyń kınologııalyq toby jumyldyryldy
1 tamyz kúni saǵat 19-55-te Astana qalasy Almaty aýdanyndaǵy Balqantaý, 171 mekenjaıynda turǵyzylyp jatqan qos qabatty kottedjdiń birinshi jáne ekinshi qabatyn jalǵap turǵan eden jabyny belgisiz jaǵdaıda opyrylyp qulap tústi. Saldarynan úsh jumysshy úıindi astynda qalyp qoıǵan. Qutqarýshylar 1970 jylǵy jáne 1983 jylǵy azamattardy úıindi astynan qazyp aldy. Ekeýi de aman. Sosyn úshinshi jumysshy da qutqaryldy. Zardap shekkender tez arada aýrýhanaǵa jetkizildi.
Oqıǵa ornynda Tótenshe jaǵdaılar komıtetine qarasty Ortalyq aımaqtyq aeroutqyr jedel-qutqarý jasaǵynyń qutqarýshylary jáne komıtettiń apattyq medıtsına ortalyǵynyń mamandary jumys istep jatyr.
