Astanada qurylysshylar aýdanyn salý josparlanýda
ASTANA. QazAqparat - Astana ákimdiginde qurylysshylar úshin jeke aýdanda baspana salý qarastyrylyp jatyr, dep habarlaıdy QazAqparat.
«Astana - qurylysshylar qalasy jáne ol qurylysshylardy baspanamen qamtý óte ótkir másele bolyp tur. Búgingi tańda qalada qurylysshylar turatyn tutas bir aýdandy bólý máselesi qaralýda», - dedi elordanyń qurylys basqarmasy bastyǵynyń orynbasary Erjas Aıtýǵanov.
Onyń aıtýynsha, qurylysshylar qazir negizinen salynyp jatqan nysandarda turýǵa májbúr. Ádette ol jerlerde qurylysshylar úshin ýaqytsha jatyn oryndar salynady. Búginde sanıtarlyq qyzmet ol oryndardyń zań talaptaryna saı nemese saı emestigin tekserip jatyr.
«Biz qylmys máselesin birden jabamyz. Qurylysshylar qalada arly-berli qańǵymaıtyn bolady. Keshke deıin jumystaryn istep, tańerteń qaıta jumys oryndaryna oralady. Іri nysandarda bul másele sol jerde jatyn oryndardy salý arqyly sheshilýde», - dep atap ótti ol.
Eger atalmysh usynys qabyldanatyn bolsa, memleketten esh shyǵyn ketpeıdi.
«Bizge bıýdjet qarajatyn shyǵyndaýǵa tyıym salynady, sondyqtan bizdiń aldymyzǵa ınvestorlardy izdeý mindetin qoıady», - dedi E. Aıtýǵanov.
