Astanada qurylys jobasynyń quny 2 mlrd jýyq teńgege asyra baǵalanǵan
Bul týraly QazAqparat agenttiktiń baspasóz qyzmetine silteme jasap habarlaıdy.
Jumys jobasy «Astana-REK» AQ-nan «Memsaraptama» Sharýashylyq júrgizý quqyǵyndaǵy respýblıkalyq memlekettik kásipornyna oń qorytyndy alý úshin jiberilgeni anyqtaldy.
Jumys jobasyn taldaý barysynda jobalaýshy qujattamany qurastyrý kezinde enshiles kompanııalardyń baǵa usynystaryn joǵary baǵalanǵan qunymen qoldanǵany anyqtaldy.
Óz kezeginde Departament «Memsaraptama» RMK-ǵa áleýetti jetkizýshilerden, Qazaqstannyń óndirýshilerinen quny eń tómen jabdyqqa balamaly baǵa usynystaryn joldady.
Der kezinde anyqtalǵan fakti nátıjesinde joba quny 5,9 mlrd teńgeden 4 mlrd teńgege deıin tómendedi.
«Energııa óndirýshi nemese tasymaldaýshy kásiporyndardyń jumystary men qyzmetteriniń qunyn negizsiz asyra baǵalaý sońǵy tutynýshylar úshin elektr energııasynyń tarıfterine keri áserin tıgizetinin atap ótken jón»,-delingen habarlamada.