Astanada qurylys kompanııasynyń basshysy Aslan Mýsın qamaýǵa alyndy
ASTANA. QazAqparat - Astana qalasynyń Іshki ister departamenti aýdandyq sottyń sanktsııasymen «Altyn Sapa 2011» JShS jáne «Business Standart» JShS basshysy Aslan Mýsındi qamaýǵa aldy, dep habarlaıdy «QazAqparat» HAA tilshisi elordalyq ІІD-niń baspasóz qyzmetine silteme jasap.
«Tergeý barysynda anyqtalǵandaı, qurylys kompanııasynyń basshysy turǵyn úı nysandaryn turǵyzýǵa memlekettik organdardan eshbir ruqsattama qujattarynsyz, «Zere 2» turǵyn úı keshenin salýǵa ınvestorlardan aqsha jınap, asa iri kólemdegi qarajattardy maqsatsyz jumsaǵan», - delingen taratylǵan habarlamada.
Astana qalasynyń Іshki ister departamentine alty adamnan aryz túsken. Keltirilgen materıaldyq shyǵynnyń kólemi 30 mln teńgeniń aınalasynda.
Polıtseıler A.Mýsınniń áreketterinen zardap shekkenderdi ІІD tergeý basqarmasyna habarlasýdy surady. Meken jaıy: Astana qalasy, Beıbitshilik kóshesi - 19 nemese 8 (7172) 71-62-31, 8-778-791-13-46 nómirlerine qońyraý shalýǵa bolady.
