Astanada qurylys kompanııasy páterlerdi birneshe adamǵa satyp kelgen
ASTANA. QazAqparat - Astana polıtsııasy «Tólendi» qurylys kompanııasynyń basshysy Aıdyn Baıjumanovqa qatysty qylmystyq ister boıynsha tergeý jumystaryn júrgizýde, dep habarlaıdy Astana qalasy ІІD baspasóz qyzmeti.
Sotqa deıingi tergeý organdary «Tólendi» qurylys kompanııasynan japa shekken azamattardy Astana qalasy Іshki ister departamentine habarlasýlaryn suraıdy.
«Tólendi» TQK «Stolıchnyı-2» (Abaı kóshesi men Saryarqa dańǵyly qıylysynda), «Anısa», «Anısa-2», «Anısa-3» (Qorǵaljyn tasjoly), «Kóktal-2» (Tilendıev dańǵyly 50/1 úı), «Abat» (E 181, 363 pen 429 kósheleri qıylysy), «Abaıdyń 150 jyldyǵy» (Abaıdyń 150 jyldyǵy kóshesi men 167 kóshesi qıylysy) jáne № 23-31 jáne A.Baıtursynov kósheleri qıylysy aýdanyndaǵy turǵyn kesheni kóp páterli turǵyn keshenderin salýshy bolyp tabylady.
2013-2015 jyldar aralyǵynda «Tólendi» kompanııasy páterlerdi eki márte satyp, joǵaryda atalǵan turǵyn keshenderi qurylysynyń merzimi boıynsha mindettemelerdi buzǵan.
«Osyǵan baılanysty, azamattardyń «Tólendi» TQK salǵan turǵyn keshenderden páterlerdi satyp almaýyn suraımyz. «Tsentr Prodaj №1» JShS basshylyǵyna, jyljymaıtyn múlik agenttikteri men Astana qalasynyń deldaldaryna (rıeltorlaryna) qylmystyq is boıynsha naqty protsessýaldy sheshim qabyldaýǵa deıin «Tólendi» TQK páterlerin satý boıynsha konsaltıngtik qyzmetterden bas tartýǵa keńes beremiz», - delingen habarlamada.
Qurylys salýshyǵa qatysty naqty protsessýaldy sheshim qabyldaý úshin, sotqa deıingi tergeý organy «Tólendi» TQK salýshysynyń áreketinen zardap shekkender, sondaı-aq iske mańyzdy mán-jaıdy biletin azamattar Astana qalasy Іshki ister departamentine 71-62-13, 71-60-10, 8-702-438-67-67 telefon nómirleri boıynsha habarlasýǵa bolady.
