Astanada qurylys alańynda bıiktikten qulaǵan jumysshy qaza tapty
ASTANA. QazAqparat - 13 naýryz kúni saǵat tańerteńgi 11-ler shamasynda Astana qalasynda júrip jatqan qurylysta eki metrge jýyq bıiktikten «Bazıs-A» JShS jumysshysy 1987 jyly týǵan A.Janadyrov qulap, túrli jaraqattar alǵan.
Ol Saraıshyq jáne Qabanbaı batyr kósheleriniń qıylysyndaǵy salynyp jatqan qonaq úı qurylysynda jumys istep júrgen. Zardap shekken azamat aýrýhanaǵa jetkizildi.
Al, Almaty aýdanyndaǵy TETs-2 aýmaǵyndaǵy jańadan salynyp jatqan ǵımarattan qulaǵan jumysshy ókinishke oraı, oqıǵa ornynda qaza tapty. «TsentrKazEnergoMontaj» AQ jumysshysy 1971 jyly týǵan N.Bilálov montajdaý jumystaryn júrgizý kezinde 16 metr bıiktikten qulap ketken. Sondaı-aq Saryarqa aýdanyndaǵy suryptaý parkinde keshe saǵat 20.55-te vagondardy tirkeý kezinde 1992 jyly týǵan K.Zııat aıaǵynan jaraqattanyp, aýrýhanaǵa jatqyzyldy, dep habarlaıdy QR TJM baspasóz qyzmetinen.
