Astanada qurylatyn jańa ýnıversıtettiń aıasynda jańa 3 ǵylymı ortalyq bolady
ASTANA. Qańtardyń 29-y. QazAqparat /Aıbyn Baqytuly/ - Elbasy Qazaqstan halqyna arnaǵan bıylǵy Joldaýynda bolashaq ekonomıkanyń sektorlaryna jekeleı toqtala kelip, onyń negizi tıimdi jumys isteıtin nátıjeli ulttyq ınnovatsııalyq joba bolýy tıistigin atap kórsetti,
dep habarlaıdy QazAqparat.
«Bizde belgili bir nátıjeler bar. Biraq, biz odan ári ilgerileýimiz kerek. Astanada qurylatyn jańa ýnıversıtettiń aıasynda jańa 3 ǵylymı ortalyq bolady. Birinshisi - ómir týraly ǵylym ortalyǵy. Ol álemdik ǵylymı ortalyqtarmen birlesip, jasandy ókpe, júrek, jasýsha sekildi organdardy transplantatsııalaý máselelerimen aınalysady. Ekinshisi - energetıkalyq zertteýler ortalyǵy, ol qaıta qalpyna keletin energetıka, fızıka, joǵary qýat tehnıkalary máselelerimen aınalysady. Úshinshisi - dıstsıplınarlyq-ınstrýmentaldyq ortalyq, ınjenerlik ortalyq, zerthanalyq baza jáne konstrýktorlyq bıýro qyzmetin atqarady. Atalǵan úsh ortalyq ta bıyl qurylady jáne onda álemge tanymal mamandar jumys isteýi tıis», - dedi Elbasy.
