Astanada Qurmanǵazyǵa eskertkish qoıylady
ASTANA. 13 maýsym. QazAqparat - Astanada daýylpaz kúıshi Qurmanǵazyǵa eskertkish qoıý Astananyń 14 jyldyǵyn merekeleýge arnalǵan sharalar aıasyndaǵy negizgi oqıǵalardyń biri bolmaq.
Eskertkish avtory músinshi - Asan Moldabaev. Bul avtordyń alǵashqy jumysy emes, músinshi osyǵan deıin Qaraǵandydaǵy etnobaqtaǵy kompozıtsııaǵa qatysqan.
Qurmanǵazy eskertkishi «Dýman» qonaq úı kesheni aýmaǵyna qoıylady. Bıiktigi 10 metr: tuǵyr bıiktigi - 5,5 m, eskertkish bıiktigi - 4,5 m.
Qurmanǵazy - qazaqtyń uly kúıshi-kompozıtory, aspapty mýzyka óneriniń klassıgi. Jastaıynan dombyranyń qyr-syryna jetik ósken. Onyń alǵashqy kúıleriniń biri «Kishkentaı» dep atalady. Ulttyq taǵylym-tárbıege qurylǵan. Al «Saryarqa» kúıi qazzaqtyń keń dalasynyń sulýlyǵyn sıpattaıdy. Kúıshiniń búgingi tańǵa 60-qa jýyq kúıleri jetken.
