Astanada Quryltaı saılaýy kúni 25 sábı dúnıege keldi
ASTANA. KAZINFORM — El turǵyndary saılaý ýchaskelerinde óz tańdaýyn jasap jatqanda, elorda perzenthanalarynda birneshe otbasy dúnıege kelgen sábıin qarsy alyp, qýanyshty sátti bastan ótkerdi, dep habarlaıdy elorda ákimdiginiń resmı saıty.
Elordadaǵy medıtsınalyq uıymdardyń málimetinshe, bul kúni 25 sábı dúnıege keldi.
— Dúnıege kelgen sábılerdiń 14-i — ul, 11-i — qyz. Árbir otbasy úshin balanyń dúnıege kelýi — eń mańyzdy ári kópten kútken sátterdiń biri. Bul kún 25 elordalyq otbasy úshin erekshe kúnge aınaldy, — delingen habarlamada.
Elordadaǵy bosandyrý uıymdarynyń dárigerleri men medıtsına qyzmetkerleri bolashaq analar men jańa týǵan nárestelerge táýlik boıy qajetti medıtsınalyq kómek kórsetýdi jalǵastyryp jatyr.
Astanada ana men bala densaýlyǵyn qorǵaý máselesine erekshe kóńil bólinedi. Elordada júktilik jáne bosaný kezeńindegi áıelderge, sondaı-aq jańa týǵan nárestelerge kórsetiletin medıtsınalyq kómektiń qoljetimdiligi men sapasyn arttyrý baǵytyndaǵy jumystar jalǵasady.
