Astanada qurylys nysanynan topyraq urlamaq bolǵan tórt júrgizýshi ustaldy
ASTANA. KAZINFORM — Astana qalasynyń polıtsııa qyzmetkerleri qurylys nysanynan topyraqty zańsyz áketýge áreket jasaǵan tórt arnaıy tehnıkanyń júrgizýshilerin ustady.
Aldyn ala málimetterge qaraǵanda, túski ýaqytta kúdiktiler qurylys alańyna zańsyz kirip, arnaıy tehnıkalardyń kómegimen topyraqty tıep, alyp ketpek bolǵan.
Alaıda olardyń áreketi polıtsııa qyzmetkerleriniń jedel áreketiniń nátıjesinde der kezinde áshkerelenip, tórt júk kóligi qylmys ornynda ustaldy.
— Tekserý barysynda arnaıy tehnıkalardy 36, 37, 41 jáne 60 jastaǵy azamattar basqarǵany anyqtaldy, — dep habarlady polıtsııa.
Atalǵan derek boıynsha sotqa deıingi tergep-tekserý júrgizilip jatyr. Kúdiktilerdiń arnaıy tehnıkalary aıyp turaǵyna qoıyldy.
Eske salaıyq, buǵan deıin Astanada topyraqty zańsyz qazý men tasymaldaýǵa baqylaý kúsheıtilgenin jazǵanbyz.
