Astanada qurylys kompanııasy úleskerlerden 4 mlrd teńge alyp, úı salyp jarytpaǵan

Elordada "R-Club" jáne "R-Club Deluxe" turǵyn úı keshenderi úleskerleriniń ujymdyq aryzy negizinde alaıaqtyq faktisi boıynsha is qozǵaldy, dep habarlaıdy QazAqparat Astana prokýratýrasyna silteme jasap. 

Úleskerlerdiń 4 mlrd teńgeden astam aqshalaı qarajaty tartylǵan, alaıda is júzinde qurylysqa 900 mln teńge jumsalǵan.

Qurylys salýshy 2022 jyldyń tórtinshi toqsanynda aıaqtalady dep josparlaǵan qurylys bitpegen.

Qurylys kompanııalarynyń basshylary ustalyp, qamaýǵa alyndy.

Jedel tergeý toby quryldy.

Qazirgi ýaqytta qylmystyń qalǵan qatysýshylary men olardyń aktıvteri anyqtalyp jatyr.