Astanada qurylys qaldyqtaryn zańsyz tógýge qarsy reıdter bastaldy
ASTANA. KAZINFORM — Astanada qurylys qaldyqtaryn zańsyz tógýge baqylaý kúsheıtilip, qurylys nysandarynda reıd júrip jatyr, dep habarlaıdy elorda ákimdiginiń resmı saıty.
Astana ákimdigi men qalalyq Polıtsııa departamenti qurylys nysandarynda qurylys qaldyqtaryn basqarý qaǵıdalarynyń saqtalýyn tekserý maqsatynda reıdtik is-sharalardy bastady.
— Reıdterdiń negizgi maqsaty — qurylys jáne demontaj jumystary kezinde paıda bolatyn qoqystardyń belgilengen tártippen arnaıy oryndarǵa shyǵarylýyn baqylaý jáne olardyń ruqsat etilmegen oryndarǵa tógilýine jol bermeý, — delingen habarlamada.
Anyqtalǵan zań buzýshylyqtar boıynsha kináli tulǵalarǵa Qazaqstan Respýblıkasynyń Ákimshilik quqyq buzýshylyq týraly kodeksiniń tıisti baptaryna sáıkes ákimshilik hattamalar toltyrylady.
Ákimdiktiń málimetinshe, bul baǵyttaǵy baqylaý jumysy aldaǵy ýaqytta da jalǵasady.
Osydan buryn elorda hostelderinde órt qaýipsizdigine qatysty reıd júrgizilgenin jazǵanbyz.
