Astanada qurǵaq shópterdiń órtený jaǵdaılary jıiledi
ASTANA. QazAqparat - Ádette, adamdardyń abaısyz jáne nemquraıly áreketteriniń saldary órtke ákep soǵady. Órt kezeńiniń bastalýymen Astana qalasynda qurǵaq shópter men qamystardyń órtený jaǵdaılary oryn alýda, dep habarlaıdy astana.kz .
Aǵymdaǵy jyldyń 14 sáýirinen bastap qurǵaq shópterdiń órtenýleriniń 8 jaǵdaıy tirkelip otyr, órttiń jalpy aýmaǵy 2230 sharshy metrdi qurady, onyń 2000 sharshy metri Almaty aýdanynyń enshisinde.
Órtti boldyrmaý maqsatynda Astana qalasynyń TJ departamenti qarapaıym erejelerdi saqtaý qajettigin eskertedi. Atap aıtqanda, tutanǵan sirińkelerdi laqtyrmaý, alaýlardy, qoqystardy órt qaýipti kezeńde jaqpaý, demalý oryndarynan keter kezde olardyń ústine qum seýip, óshirip ketken jón. Al endi ǵana tutanyp jatqan órtti kórgende, ony sýmen nemese qummen sóndirý kerek. Janńǵysh zattar ornalasqan saraılarda, jertólelerde nemese basqa da jerlerde temeki shekpegen jón.
Sondaı-aq jańa ǵana paıda bolǵan órtti sýmen, 2 metrge deıingi aǵash butalarymen sóndirý nemese qum seýip tastaý qajet. Otty qoldaný kezindegi saqtyq sharalaryn qatań saqtaý kerek, deıdi mamandar.
