Astanada kúres túrlerinen Qazaqstan kýbogy ótedi
ASTANA. KAZINFORM — 24-30 mamyr aralyǵynda Astanada eresekter arasynda grek-rım, erkin jáne áıelder kúresinen Qazaqstan kýbogy ótedi. Bul týraly Ulttyq olımpıadalyq komıtet habarlady.
Bul týrnırge elimizdiń barlyq óńirinen jáne respýblıkalyq mańyzy bar qalalardan shamamen 1000 balýan qatysady.
Aıta ketý kerek, bıylǵy jarysqa halyqaralyq arenada Qazaqstannyń namysyn qorǵaǵan ataqty sportshylar da qatysady. Óıtkeni kýboktyń basty maqsaty — aldaǵy álem chempıonattaryna qatysatyn balýandardy ulttyq qurama sapyna irikteý.
Alǵashqy medaldar erkin kúreste sarapqa salynady. Odan keıin jarys jolyna áıelder shyǵady. Týrnırdi grek-rım kúresiniń balýandary aıaqtaıdy.
Jarystar Qazaqstan jeńil atletıkalyq sport kesheninde ótedi.
Aıta keteıik, Astanada alǵash ret arbadaǵy tennısten ITF Futures Series týrnıri ótedi.