Astanada kúres túrlerinen ótip jatqan Olımpıadalyq irikteý týrnıri jańa esimderdi ashatyndyǵyna senimdimin - T. Ermegııaev
ASTANA. 30 naýryz. QazAqparat - QR Sport jáne dene shynyqtyrý isteri agenttiginiń tóraǵasy Talǵat Ermegııaev Astanada kúres túrlerinen ótip jatqan Olımpıadalyq irikteý týrnıri jańa esimderdi ashatyndyǵyna senimdi.
Bul pikirin búgin ol atalmysh jarystyń ashylý saltanatynda aıtty.
Jankúıerler men qatysýshylardy dodanyń bastalýymen quttyqtaı otyryp jáne joǵary mártebeli meımandarǵa óz iltıpatyn bildire kele, agenttik tóraǵasy, «Astanada kúres túrlerinen ótip jatqan Olımpıadalyq irikteý týrnıri jańa esimderdi ashatyndyǵyna, al bizdiń jankúıerler ymyrasyz ári ádemi beldesýlerge kýá bolady degen senimdemin», - dep atap kórsetti.
Sondaı-aq T. Ermegııaev otandyq sportshylarymyz úshin jazda Londonda ótetin XXX Olımpıada oıyndarynda úlken synaq kútip turǵandyǵyn tilge tıek etti. Jáne búgin Astanada bastalǵan lıtsenzııalyq jarysta olarǵa sáttilik tilep, meılinshe kóp joldama utyp alýlaryna tilektestik bildirdi.
Eske sala keteıik, Londonda ótetin HHH Jazǵy Olımpıada oıyndaryna grek-rım, erkin jáne áıelder kúresinen Azııanyń lıtsenzııalyq irikteý týrnırine sary qurlyqtyń 22 elinen sportshylar qatysýda.
