Astanada kúrdeli salanyń dárigerlerine baspana sertıfıkaty beriledi
Bul týraly Astana qalasy Qoǵamdyq densaýlyq saqtaý basqarmasy basshysy mindetin atqarýshy Álııa Rústemova Astanada ótken brıfıngte aıtty.
«Shyn máninde, Astanada kúrdeli sala mamandardyń tapshylyǵy seziledi. Olar kóbinese jalaqy kóbirek tólenetin jeke medıtsınalyq uıymdarǵa jáne respýblıkalyq ortalyqtarǵa aýysyp ketedi. Bul máseleni baspana sertıfıkatymen sheshýge tyrysyp jatyrmyz. ıAǵnı, ákimdik 1 mıllıon teńge kóleminde baspana sertıfıkattaryn beredi. Maman bul qarajatty qosý arqyly, ózine qajetti baspanany ıpotekaǵa ala alady», - dedi Álııa Rústemova Astanada ótken baspasóz máslıhatynda.
Onyń aıtýynsha, Astanada akýsher-gınekolog, anestezıolog-reanımatolog mamandary jetispeıdi.
«Sebebi olardyń jumysy óte aýyr jáne fızıkalyq, moraldyq kúshti qajet etedi. Sharshaǵannan qyzmetti tastap ketetinder bar. Mine bizge aýadaı qajet osy mamandardy alyp qalý úshin sharalar qabyldanyp jatyr. Ótken jyly olarǵa 18 páter berilgen. Bıyl da ákimdik medıtsına qyzmetkerleri kúni qarsańynda baspanalar beredi. Ótken jyldyń jeltoqsanynda dárigerlerge 1 mıllıon teńgelik 20 sertıfıkat berilse, bıyl taǵy 200 sertıfıkat taratylady», - dedi ol.
Sonymen birge, Astanada medıtsnalyq qyzmetkerlerge arnalǵan jataqhana salynady.
«Ózge basqarmalarmen birlesip, dárigerlerge arnalǵan jataqhana máselesin sheshtik. Ony salatyn jer telimi bólindi. Osylaısha, árbir adam úshin ózekti bolyp sanalatyn baspana máselesin sheshýge tyrysyp jatyrmyz», - dedi Álııa Rústemova.
Aıta keteıik, elorda ákimdigi turǵyn úı qurylys jınaq júıesi arqyly baspanaly bolýǵa áleýmettik kómekti kórsetýdi alǵashqylardyń biri bolyp engizdi. Bilim berý, densaýlyq saqtaý jáne quqyq qorǵaý salalarynda bilikti mamandar korpýsyn qurý maqsatynda, olarǵa 1 mln teńgelik sertıfıkattar beriledi.
