Astanada qurbandyqty qaı jerde shalýǵa bolady

ASTANA. QazAqparat - Qurban aıt - Ramazan aıynan soń 70 kúnnen keıin atap ótiletin, qajylyq saparynyń aıaqtalý meıramy. Álemniń barsha musylmandary «Qurban aıt» meıramyn jyl saıyn atap ótedi, dep habarlaıdy Astana qalasy ákimdiginiń resmı saıty.

Qurban aıt meıramyn atap ótý osy jyldyń 21 tamyzy kúni elordanyń barlyq 9 meshitinde merekelik «Aıt namazynan» (bastalýy saǵat 7-00) bastaý alady. 23 tamyzǵa deıin elordada qurbandyq shalý uıymdastyrylady. Qazirgi tańda Astana qalasynda negizgi qurbandyq shalý oryndary bekitildi:

Almaty aýdany: «Metro» SÚ (Astana-Qaraǵandy t/j)

Baıqońyr aýdany: «Nurbereke-555» JShS, Alash shossesi, 30 («Kók Bazar» bazarynyń arty), «Esjanova A» JK, «Jaılaý», Alash shossesi, Ts 313 kóshesi, «Shaýshen» ShQ, «Astana-Pavlodar» t/j, 9 km, «Temesh» ShQ, Astana - Sofıevka t/j 7 km

Esil aýdany: «Altyn-Taǵa» bazary, Qosshy kentiniń mańy

Saryarqa aýdany: «Uljan» ámbebap bazary, (burynǵy «Saıanur» bazary)

Sonymen qatar, «Qurban aıt» merekesin atap ótý kúnderi halyqqa qurbandyq shalý jáne taǵy basqa ózekti máseleler boıynsha aqparattandyrý úshin táýlik boıy «2288» Call-center jumys jasaıdy.