Astanada qurbandyq shalýǵa arnaıy oryndar bólindi
ASTANA. 10 qazan. QazAqparat - Astana ákimdigi sanıtarlyq-epıdemıologııalyq talaptardy saqtaý maqsatynda qubandyqqa shalynatyn maldardy satý jáne soıý, taratý sharalary arnaıy ruqsat etilgen oryndarda ótkiziledi. Bıyl elordada Quban aıt namazy 15 qazan tańǵy saǵat 8-den 10 mınýt ketkende bastalady. Bul týraly búgin Astanada ótken baspasóz máslıhatynda «Nur Astana» ortalyq meshitiniń Bas ımamy Naýryzbaı Ótpenov aıtty.
«Tazalyqty saqtaý maqsatynda ákimdik arnaıy oryndardy bóldi. Sondyqtan da qurbandyq malyn osy oryndarda shalýǵa shaqyramyz», - dedi Bas ımam.
Atap aıtqanda, qurbandyq malyn satyp alý jáne soıý sharalary «Altyn taǵa» mal bazarynda «Astana-Qosshy» tas joly boıynda), «Pışekombınat-Astanalyq plıýs» JShS (M. Dýlatuly kóshesi, 191), «Nurbereke 555» JShS (Kók bazar), «Shaýmen» sharýa qojalyǵy (Astana-Sofıevka tas jolynyń 9-shaqyrymy), «Temesh» sharýa qojalyǵy, «Maqsat 2007» JShS, «Temirjolshylar» turǵyn alaby aýmaǵynda iske asyrylady.
Osy oraıda N. Ótpenov qala ishindegi aýmaqta, meshit mańynda, kóp qabatty turǵyn aýlalarynda qurbandyq maldary satylmaıtynyn jáne soıylmaıtynyn aıtyp ótti.
