Astanada Qurban aıtta qurbandyq shalý oryndary anyqtaldy

ASTANA. KAZINFORM – Qurban aıt merekesi qarsańynda elordalyq bazarlarda qurbandyq shalý oryndarynda sanıtarlyq normalardyń saqtalýyn tekserdi, dep habarlaıdy Astana ákimdiginiń resmı saıty.

Bıyl 17-19 maýsym aralyǵynda atalyp ótetin qasıetti Qurban aıt merekesin atap ótýge baılanysty Astana ákimdigi qurbandyq shalý oryndaryn belgiledi:

- «Shanhaı» bazary
- «Barakat» bazary (A-369 kóshesi, 10)
- «Jaılaý» bazary (S-754 kóshesi, ǵımarat. 1)
- «Sholpan-ata» bazary («Alash» tas joly, 27/2)
- Temir jol JM (Aqjar kóshesi, 20).

Aıta keteıik, aýyl sharýashylyǵy janýarlarynyń ıeleri, soıý oryndarynyń satýshylary men ıeleri QR Aýyl sharýashylyǵy mınıstrliginiń 2015 jylǵy 27 sáýirdegi № 7-1/370 buıryǵymen bekitilgen veterınarııalyq-sanıtarııalyq talaptardy saqtaýdy suraıdy.

Máselen, aýyl sharýashylyǵy janýarlaryn soıý erejege sáıkes beriletin esepke alý nómirleri bar soıý pýnktterinde, et óńdeý kásiporyndarynda nemese soıý alańdarynda júrgizilýi tıis.

«Búgin biz veterınarııalyq-sanıtarııalyq talaptardyń saqtalýyn talqylaý úshin soıý nysandarynyń ıelerimen kezdesý ótkizdik. 2 sanattaǵy ruqsat qujattary joq jerlerde janýarlardy soıýǵa tyıym salynady», - dep atap ótti memlekettik veterınarııalyq-sanıtarııalyq ınspektor, bas maman Mels Qaınýldaev.

Aıta keteıik, bıyl Qurban aıt merekesiniń bastalýy 17 maýsym, dúısenbige keledi.