Astanada Qurban aıt merekesine oraı qurbandyq shalynatyn oryndar belgilendi
ASTANA. 22 qazan. QazAqparat - Bıyl Qurban aıt merekesi 26-27-28 qazan kúnderine keledi. Osyǵan oraı Astana qalasynyń ákimdigi sanıtarlyq-epıdemıologııalyq normalar men talaptardy saqtaý maqsatynda, qurbandyqqa shalynatyn maldardy satý, soıý jáne taratýǵa ruqsat etilgen arnaıy oryndardy bekitti.
Elordanyń resmı saıtynyń málimetine qaraǵanda, qurbandyq maldaryn satyp alý jáne soıý «Altyn taǵa» mal bazarynda («Astana-Qosshy» tas joly boıynda), sondaı-aq, «Pışekombınat-Astanalyq plıýs» JShS (M. Dýlatuly kóshesi, 191), «Nurbereke - 555» JShS («Kók» bazary), Alash tas joly, 30, «Shaýmen» sharýa qojalyǵy, («Astana-Sofıev tas joly» - 9 shaqyrym), «Temesh» sharýa qojalyǵy («Astana-Sofıev tas joly» - 7 shaqyrym), «Maqsat 2007» JShS, «Temirjolshylar» turǵyn úı alaby (Aqjar kóshesi, 20) meken-jaılarynda ǵana júrgiziledi.
Qurban aıt kúnderi avtobýs baǵyttary da uzartylmaq. №27 qalalyq avtobýsynyń júrý kestesi «Nur-Astana» meshitinen (Qabanbaı batyr kóshesi, 21) bastap - «Altyn taǵa» bazaryna deıin jalǵasady.
«Áziret Sultan» meshitinen (Táýelsizdik kóshesi men R. Qoshqarbaev kósheleriniń qıylysy) «Nurbereke - 555» («Kók» bazary) JShS-ne deıin, (Alash tas joly, 30) arnaıy eki avtobýs qatynaıtyn bolady. (Avtobýstyń qozǵalys kestesi: Táýelsizdik kóshesinen Alash tas jolyna deıin).
Taǵy bir atap aıtarlyǵy, Astana qalasy ákimdiginiń sheshimi boıynsha, qurbandyq maldaryn satý jáne soıýǵa arnalǵan arnaıy oryndardan bólek, balalar oınaıtyn alańdarda, úı aýlalarynda qurbandyq shalýǵa qatań tyıym salynady.
