Astanada Qurban aıt kúnderi qurban shalatyn oryndar belgilendi
ASTANA. QazAqparat - 2014 jyly 4-6 qazan kúnderi Qurban aıt merekesine oraı, QMDB-nyń Astana qalasyndaǵy ókildiginiń uıymdastyrýymen birqatar is-sharalar ótkiziledi.
«4 qazan kúni astanalyq meshitterde Qurban aıt namazy tańǵy saǵat 08:00-de oqylady. Namazdan keıin «Nur Astana», «Áziret Sultan» meshitteriniń aýlasynda jalpy jurtshylyqqa arnalǵan merekelik jármeńke uıymdastyrylady. Qurbandyq shalý rásimi - 4-6 qazan kúnderi Astana qalasynda arnaıy belgilengen oryndarda ǵana atqarylady», - dep atap ótti QMDB Astana qalasy boıynsha ókili, «Nur Astana» ortalyq meshitiniń bas ımamy Naýryzbaı qajy Ótpenov.
Onyń málimetinshe, Astana qalasy ákimdiginiń qurbandyq maldaryn satýǵa jáne soıýǵa ruqsat etken oryndar sany - altaý. Olar:
1. «Altyn taǵa» mal bazary, «Qarqaraly» tas joly.
2. «Nurbereke 555» JShS, Avtobýstar: 1, 7, 36, 38, 41, 43, 120, 126, 130.
3. «Pışekombınat-Astanalyq plıýs» JShS, Avtobýstar: 5, 12, 16, 26, 42.
4. «Shaýshen» sharýa qojalyǵy,
5. «Temesh» sharýa qojalyǵy, Avtobýstar: joq;
6. «A.Esjanova» JK, Avtobýs: 38.
Sondaı-aq, bas ımamnyń aıtýynsha, 4 qazan kúni 14:00-de «Áziret Sultan» meshitiniń aýlasynda sporttyq oıyndar saıysy ótip, sonymen qatar, ardagerlerge arnalǵan merekelik dastarqan jaıylady. Osy kúni «Tólebaı» meshitinde jalpy jamaǵatqa merekelik dastarqan jaıylady.
«4-6 qazan kúnderi Astana meshitteriniń qyzmetkerleri qaladaǵy muqtaj jandardyń úılerine arnaıy baryp aıt merekesimen quttyqtap, azyq-túlik jáne qurbandyq etterimen kómek kórsetedi. Sondaı-aq, aýrýhanalardaǵy syrqat jandardyń kóńilin surap, aıttyq syılyqtar taratady. Al 5 qazan kúni saǵat 16:00-18:00 aralyǵynda «Nur Astana» ortalyq meshitiniń uıymdastyrýymen «Han shatyr» saýda oıyn-saýyq ortalyǵynda «Qurban aıt qutty bolsyn!» atty merekelik kontsert ótedi», - dep atap ótti Naýryzbaı qajy.
Sonymen qatar, 5 qazan kúni Astana meshitteriniń uıymdastyrýymen «Jeteýdiń biri bol da, Rabbyń úshin qurban shal!» qaıyrymdylyq aktsııasy «Altyn taǵa» mal bazarynda ótedi. Al 4-6 qazan kúnderi «Qaıyrymdy, izgi kisi kógerer, izgi kisi - halyq júgin kóterer» atty respýblıkalyq aktsııa aıasynda qala meshitteriniń qyzmetkerleri Astana ákimdigimen birlese otyryp, qurbandyq etterin muqtaj jandarǵa úlestiredi.
«6 qazan kúni «S.Ǵylmanı» jáne «Sheıh Kúnta qajy» meshitteriniń uıymdastyrýymen Astana qalasyndaǵy «Qarttar» úıinde «Qarttarym - asyl qazynam» degen atpen merekelik rýhanı kesh ótedi. Al Qurban aıttyń úsh kúninde de «Nur Astana» ortalyq meshitinde jamaǵat arasynda Qurban aıt merekesine arnalǵan suraq-jaýap saıysy uıymdastyrylady. 5 qazan kúni «Ás-Sálam» meshitinde jalpy jamaǵatqa merekelik dastarqan jaıylady», - dedi ókil ımam.
