Astanada Qurban aıt kúnderi №27 avtobýstyń qozǵalys kestesi uzartylady
ASTANA. 14 qazan. QazAqparat - Qurban aıt merekesi kúnderi №27 avtobýstyń marshrýty «Altyn taǵa» bazaryna deıin uzartylady. Bul týraly astana.kz saıtyna Astana qalasy Jolaýshylar kóligi jáne avtomobıl joldary basqarmasynan habarlady.
«Qurban aıt kúnderi №27 avtobýstyń marshrýty «Altyn taǵa» bazaryna deıin uzartylady. Sonymen qatar, «Haziret Sultan» meshiti - Táýelsizdik dańǵyly - Kók bazar - Alash tas joly baǵytynda eki avtobýs júredi»,- delingen vedomstvo aqparatynda.
№27 avtobýsy «Nur-Astana» meshiti - Qabanbaı batyr, 21 - «Altyn taǵa» bazaryna deıin (marshrýty: Temirjol vokzaly - Birjan Sal k-si - I.Esenberlın k-si - Respýblıka dańǵyly - Qabanbaı batyr dańǵyly - «Astana-Qosshy» tas joly - «Altyn taǵa» bazary) júretin bolady. Avtobýs qalaǵa osy jolmen qaıtady.
Eske sala keteıik, Astanada qala ákimdiginiń sheshimimen qurbandyq shalý, mal satý, tazalaý jáne aýmaqty jınaý úshin arnaıy oryndar belgilendi. Sondaı-aq, jeke úılerdiń aýlalarynda, balalar alańdarynda jáne ruqsat etilmegen jerlerde mal soıýǵa qatań tyıym salynady.
