Astanada Qurban aıt kezinde maldy aýlada soıýǵa tyıym salynady
ASTANA. KAZINFORM – Elordada Qurban aıt merekesi qarsańynda sanıtarlyq-epıdemıologııalyq jáne veterınarlyq qaýipsizdik sharalary kúsheıtildi, dep habarlaıdy Astana ákimdiginiń resmı saıty.
Bıyl Qurban aıt 27-29 mamyr aralyǵynda ótedi. Osy kezeńde sanıtarlyq talaptardy saqtaý, juqpaly aýrýlardyń aldyn alý jáne qurban shalý rásimin qaýipsiz uıymdastyrý máselesine erekshe nazar aýdarylmaq.
Qalalyq sanıtarlyq-epıdemıologııalyq baqylaý departamentiniń málimetinshe, mal soıý tek arnaıy belgilengen jáne jabdyqtalǵan oryndarda ǵana ruqsat etiledi.
Turǵyn úılerdiń aýlasynda, kóshelerde, podezderde jáne basqa da qoǵamdyq oryndarda mal soıýǵa tyıym salynǵan.
Osy maqsatta Astana qalasynda bes arnaıy alań belgilendi.
Baıqońyr aýdany:
– «Shanhaı» bazary – Alash tasjoly, 34/6
– «Barakat» bazary – A369 kóshesi, 10
– «Jaılaý» bazary – Alash tasjoly, Ts313 kóshesi
– «Sháýshen» sharýa qojalyǵy – Alash tasjoly, 136B
Almaty aýdany:
– «Et-Han» et tsehy – Temirjolshylar turǵyn alaby, Aqjar kóshesi, 20.
Ákimdik ókilderi mal soıylǵan oryndardaǵy qaldyqtar belgilengen tártippen joıylýy tıis ekenin eskertti. Olardy turmystyq qoqys konteınerlerine tastaýǵa bolmaıdy.
Sondaı-aq turǵyndardan sanıtarlyq talaptardy saqtap, qoǵamdyq tártipti buzbaı, Qurban aıt kezinde qaýipsizdik erejelerine jaýapkershilikpen qaraý suraldy.
Qazaqstanda qurbandyqqa shalatyn qoı baǵasy qansha teńgeden saýdalanyp jatqanyn mynaý siltemeden bile alasyz.
