Astanada Qurban aıt kezinde qurban shalýǵa arnalǵan oryndar anyqtaldy

Bıyl Qurban aıt merekesin toılaý 1 qyrkúıekte bastalyp, 3 kúnge sozylady. 1 qyrkúıekte saǵat 07.00-de elordanyń 8 meshitinde Aıt namazy oqylady. 3 qyrkúıekke deıin qurbandyq shalý ótedi.

Búginde Astanada qurbandyq shalýda mal soıýǵa arnalǵan belgilengen negizgi oryndar anyqtaldy:

1.  «Nurbereke-555» JShS, Alash, 30 tas joly («Kók bazar» bazar jaqta);

 Ol jerge kelesi qoǵamdyq kóliktermen jete alady: № 11, 34, 38, 41, 53, 58, 120, 127;

2.  «Metro» SÚ (Astana-Qaraǵandy tas joly);

Ol jerge kelesi qoǵamdyq kólikpen jetýge bolady: № 71;

3.  «Shaýshen» ShQ, «Astana-Pavlodar»  tas joly 9 shaqyrym;

Ol jerge kelesi qoǵamdyq kólikpen jetýge bolady:№ 307;

4.  «Maqsat 2007» JShS, «Jeleznodorojnyı» TM, ýl. Aqjar, 20;

Ol jerge kelesi qoǵamdyq kóliktermen jete alady: № 15,22;

5.   «Uljan» ámbebap bazary, (burynǵy «Saıanur» bazary),  Tilendıev kóshesi, 24;

Ol jerge kelesi qoǵamdyq kóliktermen jete alady:№ 4, 71, 81;

6.   «Temesh» ShQ, Astana-Sofıevka tas joly 7 shaqyrym;

Ol jerge kelesi qoǵamdyq kólikpen jetýge bolady: № 307;

7.  «Mamyrhanov» JK, «Óndiris-1» JM;

Ol jerge kelesi qoǵamdyq kólikpen jetýge bolady: № 24;

8.  Esjanova A. JK, «Jaılaý», «Alash» tas joly, Ts313 kóshesi;

Ol jerge kelesi qoǵamdyq kóliktermen jetýge bolady: № 7, 34, 38, 39, 41, 120, 127;

9.  «Altyn taǵa» bazary, Qosshy kentiniń mańynda;

Ol jerge kelesi qoǵamdyq kóliktermen jetýge bolady:№ 308, 309;

10.  «Sapa Sý» JShS, Qosshy kenti, 4340 ú., Qosshy kentiniń mańynda.

Onymen birge 28-29 tamyzda Qazaqstan musylmandary dinı basqarmasynyń fılıalynda «Nur Astana» meshitinde sharıǵat boıynsha qurbandyq shalýdy ótkizý boıynsha mal qasapshylary úshin eki kúndik oqytý semınary ótedi.

Semınarǵa kez-kelgen adam qatysa alady. Ózińmen birge jeke kýálik pen sanıtarlyq kitapshany ákelý qajet. Semınardyń bastalýy saǵat 09.00-de, mekenjaı: Astana q. Qabanbaı batyr dańǵyly 36.

Oǵan qosa ár ýchaskede muqtaj adamdarǵa qurbandyq shalýdy qabyldaý boıynsha pýnktter jumys isteıtin bolady. Bundaı oryndar elordanyń barlyq meshitterinde jumys isteıtin bolady.

Esterińizge salaıyq, elorda turǵyndary men qonaqtary «iMuslim Astana» mobıldi qosymshasy jumys isteıdi, ol AppStore jáne PlayMarket qosymshalary arqyly qoljetimdi. Onda Qurban aıt merekesi kezinde qurbandyq shalýǵa bolatyn jerlerge qandaı avtobýstar júretini jóninde aqparat qamtylady. 

Kez-kelgen týyndaǵan máseleler boıynsha (dinı baǵytta) keńes alý úshin elorda turǵyndary men qonaqtary táýlikboıy jumys isteıtin «2288» senim telefonyna habarlasa alady. Qońyraý shalý tegin.

Elordalyq ákimdik mal soıýǵa ruqsat berilmegen oryndardy Tutynýshylardyń quqyǵyn qorǵaý boıynsha basqarma mamandary sanıtarlyq-epıdemııalogııalyq tekserý júrgizgendigin, al ondaǵy maldardy veterınarlyq qyzmetter teksermeıtindigin málim etti. Sondyqtan, qala bıligi turǵyndarǵa saq bolýdy úndeıdi.