Astanada quramynda zııandy qospasy bar kespe satylymnan alynyp tastaldy
ASTANA. QazAqparat - Astana qalasy Qoǵamdyq densaýlyq saqtaý departamentiniń basshysy Sadýaqas Baıǵabylov quramynda gendik-modıfıkatsııalanǵan aǵzalar (GMA) bar ónimderge júrgizilgen tekserýdiń nátıjesin jarııa etti, dep habarlaıdy QazAqparat Elorda Infoǵa silteme jasap.
«Elordanyń saýda jelisinde Koreıa Respýblıkasynda jasalǵan «Klıar. Sizderdiń tamaqtaryńyzǵa arnalǵan qytyrlaq, dámdi qabyqsha» jáne «ıÝkkedıan» tez ázirlenetin kespe» ónimderiniń quramynda GMA ruqsat etiletin normatıvterdiń sheginen asyp ketken. Sonymen qatar, syrtqy oramynda GMA-nyń bar ekendigi týraly aqparat kórsetilmegen», delingen habarlamada.
Astana qalasynyń saýda jelilerine júrgizilgen tekserý nátıjesi boıynsha 219 oramdaǵy 109,5 kg kólemde «klıar» jáne 40 oramdaǵy 3,6 kg kólemde «kespe» satýdan alyndy. Kásipkerlerge eki taýar boıynsha 20 AEK kóleminde aıyppul salyndy.
Egerde turǵyndar elorda dúkenderinen atalǵan ónimderdi qosymsha túrde anyqtaǵan jaǵdaıda mindetti túrde 8/7172/31-61-81 nemese 87780127000 telefondary boıynsha departamentke habarlasý qajet.
Aıta keterligi, buǵan deıin de «ıÝkkedıan» tez ázirlenetin kespesin saýdalaǵan kásipker ákimshilik jaýapkershilikke tartylǵan bolatyn.
