Astanada quramynda zııandy qospalary bar kespe tabyldy
ASTANA. QazAqparat - Elorda sýpermarketteriniń birinde satylyp jatqan kespe quramynan joǵary deńgeıdegi gendik-modıfıkatsııalanǵan aǵzalar (GMA) anyqtaldy, dep habarlaıdy QazAqparat tilshisi Astana qalasy qoǵamdyq densaýlyq saqtaý departamentine silteme jasap.
Mekeme basshysy Sádýaqas Baıǵabylovtyń aıtýynsha, atalmysh taýarlar qaladaǵy saýda oryndarynda qoldanystaǵy azyq-túlik taýarlaryna monıtorıng júrgizý kezinde anyqtalǵan.
«Salmaǵy 86 gramdyq «ıÝkkedıan» (BowlNoodleSoup «YUKGAEJANG»)» atty tez ázirlenetin lapsha quramyndaǵy GMA tıisti normadan 0,9%-ǵa artyq. Ónim Koreıa Respýblıkasy Seýl qalasynda shyǵarylǵan. Sondaı-aq, atalǵan ónimniń qorapshasynda GMA týraly aqparat kórsetilmegen», - delingen departament habarlamasynda.
Ónim Astana qalasy, Esil aýdany E 319 kóshesindegi 2B nysanda ornalasqan «Grantým» jeke kásipkerligine qarasty Family sýpermarketinen tabyldy. Al saraptama jumysy Astanadaǵy ulttyq saraptama ortalyǵynyń halyqaralyq akkredıttelgen zerthanasynyń bazasynda jasaldy. Qazirgi ýaqytta departament saýda núktelerine shara qabyldap, qaýipti ónimderdi satylymnan alyp tastaý jáne jaýapty tulǵalardy ákimshilik jaýapkershilikke tartý jumystaryn júrgizýde.
Aıta keteıik, gendik modıfıkatsııalanǵan aǵzalar - gendik ınjenerııa ádisteriniń kómegimen jasandy túrde genotıpi ózgertilgen tiri aǵzalar.
Eske sala keteıik, taýardan GMA anyqtalǵan jaǵdaıda 8 (7172) 31-61-81 telefonyna habarlaýǵa bolady.
