Astanada kýrer úı ıesiniń altyn buıymdaryn urlap ketti
Nur-Sultan qalasy Polıtsııa departamentiniń málimetinshe, elorda turǵyny úıine kýrer kelip ketkennen keıin zergerlik buıymdary joǵalǵanyn aıtyp, aryz túsirgen. Logıstıkalyq kompanııanyń kýreri zardap shegýshige tapsyrys boıynsha balalarǵa arnalǵan oryndyq jetkizip bergen. Úı ıesi kelesi bólmege ketkende kýrer týmbanyń ústinde jatqan altyn buıymdardy urlap úlgergen.
Úı ıesiniń aıtýynsha, urlanǵan alqa men júzikterdiń jalpy quny 280 myń teńge bolǵan.
«Polıtsııa qyzmetkerleri kúdiktini qolǵa túsirdi. 21 jastaǵy jigit kinásin moıyndap otyr. Al urlanǵan altyn buıymdar tárkilenip, ıesine qaıtaryldy. Urlyq faktisi boıynsha qylmystyq is qozǵaldy. Kúdiktiniń osyǵan uqsas basqa da qylmystarǵa qatysy bar-joǵy anyqtalyp jatyr», - dep jazady pedartamenttiń baspasóz qyzmeti.