Astanada quny 12 mln. teńgeden asatyn jez kabeldi qoldy etpek bolǵandar ustaldy
ASTANA. 8 mamyr. QazAqparat - Elordada Almaty aýdandyq ІІB qyzmetkerleri kabeldi urlady degen kúdikpen 6 adamdy quryqtady.
Bul týraly astanalyq ІІD baspasóz qyzmeti habarlady.
Astanalyq tártip saqshylary «Strajnık» JShS kúzet agenttiginiń mamandarymen birlesip, 6 adamdy qylmys ornynda qolǵa túsirdi.
Olar qurylysy qolǵa alynǵan nysannyń aýmaǵynan quny 12 mln. teńgeden asatyn jez kabeldi áketpekke árekettengen.
Tergeý barysynda kúdiktilerdiń biriniń buǵan deıin atalmysh nysanda kúzetshi bolǵandyǵy anyqtaldy. Ol kabel urlyǵyn oılastyryp, óz josparyn tanysyna aıtqan. Aram pıǵyldaryn iske asyrý ózge adamdardy da tartqan. Jeńil nápaqaǵa qaryq bolǵysy kelgender oqıǵa ornyna eki kólikpen keldi. Urylardy tintý barysynda aıǵaq zattar tabyldy.
Qolǵa túskenderdiń beseýi buǵan deıin sottalǵan bolyp shyqty.
Qazirgi tańda kúdiktiler Astana qalalyq ýaqytsha ustaý oqshaýlaǵyshyna qamaldy. Olardyń ústinen QR QK 175 babynyń 4-shi tarmaǵy boıynsha qylmystyq is qozǵalyp otyr.
