Astanada kúnniń sýytýyna baılanysty bastaýysh synyp oqýshylary úshin sabaqtar toqtatyldy
ASTANA. 10 jeltoqsan. QazAqparat - Búgin Astanada aýa raıynyń kúrt sýytýyna baılanysty qala mektepterinde birinshi aýysymda oqıtyn 1-4 synyp oqýshylary úshin sabaqtar toqtatyldy, dep habarlaıdy elordanyń resmı saıty.
«Qazgıdromet» RMK málimetteri boıynsha, elordada tańǵy saǵat 6:00-de 6 m/s jyldamdyqpen jel soǵyp, aýa temperatýrasy -26 gradýs aıazdy kórsetti. Taıaýdaǵy úsh kúnde osy sýyq aýa raıy saqtalýy yqtımal.
Eske salaıyq, oqý jylynyń qysqy kezeńinde oqýshylardyń qaýipsizdigi men densaýlyǵyn saqtaý maqsatynda 1-4 synyptarda aýanyń temperatýrasy -25 gradýs jáne odan tómen bolǵanda; 1-9 synyptarda aýanyń temperatýrasy -30 gradýstan tómen bolǵanda; 1-11(12) synyptarda, kásiptik lıtseılerde, kolledjderde (1-2 kýrs oqýshylary úshin) - 35 gradýstan tómen bolǵanda Astana qalasy ákimdigimen kelisilgen bilim uıymdarynda sabaqty toqtatýdyń parametrleri belgilengen bolatyn.
Sabaqty toqtatý týraly aqparat:
- «31 - kanal» teledıdar arnasynyń júrgirtpe jolynda saǵat 6.30-ten 8. 00-ge deıin (birinshi aýysym úshin) jáne 12.15-ten 13.00-ge deıin (ekinshi aýysym úshin) beriledi;
- sondaı-aq sabaqty toqtatý týraly aqparatty 118-01 (9. 00 den - 18. 00 ge deıingi aralyqta), 169 (aqyly) qyzmeti telefondarynan alýǵa bolady.
- ata- analar úshin balalary oqıtyn mekteptiń kezekshi telefonyna, synyp jetekshisine, mektep ákimshiligine habarlasýǵa bolady.
Sabaq toqtatý parametrleri týraly Bilim basqarmasynyń bilim.astana.kz saıtynan oqýǵa bolady.
