Astanada quny 346 mln teńgeden asatyn jer ýchaskesi memleketke qaıtaryldy

ASTANA. KAZINFORM QR Aýyl sharýashylyǵy mınıstrliginiń Jer resýrstaryn basqarý departamentiniń Astana qalasy boıynsha Esil aýdany ákimdiginiń hattamasy negizinde JShS-niń jer ýchaskesin uzaq ýaqyt paıdalanbaýy boıynsha jospardan tys tekserý júrgizdi.

Aýyl sharýashylyǵymen aınalysýǵa arnalǵan jer ýchaskesiniń aýmaǵy 6,4862 ga quraıdy.

Tekserý nátıjesinde QR Jer kodeksiniń 92-babyn buzý faktisi rastaldy.

«Astana qalasy sotynyń azamattyq ister jónindegi sot alqasynyń qaýlysymen departamenttiń talap aryzy qanaǵattandyryldy, sot sheshimi zańdy kúshine endi»,-delingen habarlamada.

Osyǵan deıin Soltústik Qazaqstan oblysynda 25 myń ga jer memleket menshigine qaıtarylǵanyn jazdyq.