Astanada kún jylyna bastaıdy
ASTANA. 20 jeltoqsan. QazAqparat - Aýa raıy málimetteri elorda turǵyndaryn qýanta bastady. Bir aptadan astam qaharyna mingen aıazdyń beti synyp, endi taıaýdaǵy úsh kúnde bas qalada kún jylyna bastaıdy.
Oǵan Ortalyq Qazaqstannan Ońtústik Kaspıı tsıklony áseriniń qaıta bastaýy yqpal etýde. Jeksenbi kúni synap baǵany 10 gradýsqa deıin tómendeıdi, dep habarlaıdy astana.kz saıty «Qazgıdromet» RMK-ǵa silteme jasap.
Erteń, 21 jeltoqsanda, elordada kún ashyq bolyp, shyǵystan 9-14 m/s jel turady. Aýa temperatýrasy túnde -30-32 , kúndiz -23 - -25°gradýs bolmaq.
22 jeltoqsanda jaýyn-shashyn bolmaıdy. Shyǵystan jáne ońtústik shyǵystan - 9-14 m/s jel soǵady. Túnde synap baǵany - 25-27 gradýs, kúndiz - 17-19 gradýs salqyndyqty kórsetedi.
23 jeltoqsanda sınoptıkter azdap qar jaýyp, burqasyndatýy yqtımal ekenin aıtady. Ońtústik shyǵystan soqqan jel batysqa aýysyp, 9-14 m/s, keı jerlerde - 15-20 m/s deıin jetedi. Aýa temperatýrasy túnde 12-14, kúndiz 10-12 gradýs salqyn bolady.
