Astanada Kúmisbekov kóshesinde qurylys jumystary bastaldy
ASTANA. QazAqparat - Astana qalasynyń ákimi Áset Isekeshev Kúmisbekov kóshesinde bastalǵan qurylys jumystarymen tanysty. Bul uzaq ýaqyt ázirlengen jáne 9 sáýir kúni aýmaqty aınalyp shyqqan qala ákiminiń tapsyrmasyna sáıkes qolǵa alynǵan joba.
«Kúmisbekov kóshesiniń qurylysyna kiristik. Kúzge deıin bitirýdi josparlap otyrmyz, qarasha aıyna deıin jaıaýjol men abattandyrý jumystary tolyq aıaqtalady. Kenesary kóshesinen Bógenbaı batyr dańǵylyna deıin 6 jolaq bolady», - dep habarlady qala basshysy óziniń Feısbýktegi paraqshasynda.
Jobany júzege asyrý josparyna sáıkes, 2017 jyldyń 24 sáýirinde Seıfýllın kóshesinen Bógenbaı batyr dańǵylyna deıingi jol bóliginiń qurylysy bastaldy. Sonymen birge, 2 aptadan keıin Kenesary kóshesinen Abaı kóshesine deıingi qalǵan jol bóliginiń qurylysy bastalady.
Qoıylǵan mindettemege sáıkes, Kúmisbekov kóshesindegi qozǵalys tamyz aıynyń sońyna deıin ashylýy tıis. Al kósheni jaryqtandyrý, abattandyrý jáne jaıaýjol qurylysy bıylǵy kúzde aıaqtalady.
