Astanada Kúmisbekov kóshesi qazan aıynda ashylady
ASTANA. QazAqparat - Qazan aıynyń sonyńda Kúmisbekov kóshesinde jóndeý jumystary aıaqtalady, dep habarlady Astana qalasy ákimdiginiń saıty .
«Astana qalasynyń kommýnaldyq sharýashylyq basqarmasy» memlekettik mekemesiniń bas mamany Almaz Qabdyrahmanovtyń aıtýynsha, atalmysh kóshede joldy jóndeý jumystary osy jyldyń sáýir aıynda bastalyp, kúrdeli ınjenerlik jumystar júrgizilip, jańadan asfalt tóselýde. Jol jóndeý kezinde kóshe ýaqytsha jabylǵan.
«Qazirgi kezde Kúmisbekov kóshesi boıyndaǵy Álibı Jangeldın men Seıfýllın kósheleri aralyǵynda asfalt tóselgen. Al, Bógenbaı batyr dańǵyly men Álibı Jangeldın jáne Abaı men Kenesary kósheleri aralyǵyndaǵy jóndeý jumystary qazan aıynyń sonynda aıaqtalady», dep habarlady bas maman.
Jol tolyq aıaqtalǵanda «Saryarqa» aýdanyndaǵy kólik aǵynynyn jeńildeýi tıis.
«Bastysy kórshiles jatqan Saryarqa kóshesi men Bógenbaı batyr dańǵylyndaǵy kólik keptelisin boldyrmaýǵa septigin tıgizedi», deıdi Almaz Qabdyrahmanov.
Kúmisbekov kóshesindegi jol jóndeý jumystary keler jyly tolyq aıaqtalady jáne alty jolaqty bolady.
