Astanada «Kúltegin - 2010» gala-kontserti ótedi

dep habarlaıdy QazAqparat.

Іs-shara aıasynda alǵash ret ýnıversıtet stýdentteri arasyndaǵy «Er jigit - 2010» baıqaýy ótkiziledi. Baıqaý barysynda qatysýshylar halqymyzdyń batyr tulǵalaryn somdap, óleń-jyr joldarymen ózderin tanystyratyn bolady. Sondaı-aq sporttyq saıystar kezinde quralaıdy kózden atqan jigitter sadaq atyp, kir tasyn kóterýden kúsh synaspaq. Al dúbirli dodanyń sońǵy básekelerinde olar óz ónerleri men bilimderin ortaǵa salmaq.

Sondaı-aq «Kúltegin-2010» gala-kontserti aıasynda «Eýrazııa juldyzy», «Eýrazııa maqtanyshy» jáne «Eýrazııa bolashaǵy» baıqaýlarynyń jeńimpazdary marapattalady. Kontsertke belgili estrada juldyzdary - Mádına Sádýaqasova, Qydyráli Bolmanov, Qaraqat Ábildına jáne «Ulytaý» toby qatysady.

Aıta keteıik, Elbasy Nursultan Nazarbaevtyń bastamasymen qolǵa alynǵan «Mádenı mura» baǵdarlamasynyń el ómirinde alar orny zor. Osy baǵdarlama aıasynda Eýrazııa ulttyq ýnıversıtetinde Prezıdenttiń qatysýymen ashylǵan Kúltegin eskertkishi halqymyzdyń túrki dáýirindegi tarıhyn zerttep-zerdeleýge múmkindik berdi. Búginde atalǵan tarıhı jádigerge qashalyp jazylǵan Kúltegin batyrdyń erlik baıany ýnıversıtette bilim alyp júrgen stýdent-jastar úshin patrıotızmniń jarqyn úlgisine aınaldy. Sol sebepti Eýrazııa ulttyq ýnıversıteti qurylǵan kún «Kúltegin kúni» dep ataldy. Al osy meıram aıasynda jyl saıyn ótkiziletin mádenı-qoǵamdyq is-sharalar jastardy patrıottyq rýhta tárbıeleýdi kózdeıdi.