Astanada qulap qalǵan qurylys nysanynyń ıesi anyqtaldy
ASTANA. QazAqparat - Astanada qulap qalǵan qurylys nysanynyń ıesin anyqtady, dep habarlaıdy qalalyq ІІD-niń baspasóz qyzmeti.
«Qurylys obektisiniń ıesi anyqtaldy, qandaı da bir quqyq belgileıtin jáne ruqsat beretin qujattaryn usynǵan joq. Sonymen qatar, polıtsııa qyzmetkerleri qurylys ıesi men zardap shekkenderdiń arasynda eńbek sharty joq ekendigin anyqtady», - delingen habarlamada.
Eske sala ketsek, keshe, 1 tamyzda saǵat 19.40-tar shamasynda Balqantaý kóshesinde salynyp jatqan qurylys nysany qulady. Osy oqıǵaǵa baılanysty QR QK-niń 156-baby boıynsha sotqa deıingi tergep-tekserý júrgizilip («eńbekti qorǵaý qaǵıdalaryn buzý») jatyr.
Oqıǵa ornynan qalalyq aýrýhanaǵa túrli dene jaraqatymen (1970, 1983, 2000 j.t.) jastaǵy úsh zardap shegýshi jetkizildi.
Búgin Astana qalalyq qoǵamdyq densaýlyq saqtaý basqarmasy úıindi astynan qutqarylǵandardyń jaı-kúıin qatysty túsinikteme berdi.
