Astanada qulaqtandyrý júıeleri tekseriledi
ASTANA. QazAqparat - Erteń 9 naýryzda saǵat 9.00-de Astana qalasynyń Tótenshe jaǵdaılar departamenti 2 mınýt boıy tele-radıo arnalardy ustap qalýmen, elektrodabyldaryn qosý arqyly Astana qalasynyń qulaqtandyrý júıeleri tekseriledi. Atalmysh tekserý josparly bolyp tabylady jáne aı saıyn júrgiziledi, dep habarlaıdy qala ákimdiginiń saıty .
«Eske salamyz, tótenshe jaǵdaı oryn alǵan kezde nemese tótenshe jaǵdaıdyń oryn alýyna qaýip tóngen kezde elektrodabyldar nemese basqa da dabyl quraldary qosylady, ol «Barshańyzdyń nazaryna!» biryńǵaı qulaqtandyrý dabylyn bildiredi. Bul dabyldy estigen kezde turǵyndar mindetti túrde qolaıly aqparat qabyldaý quraldaryn (Habar, Qazaqstan, Evrazııa birinshi arna, Astana, KTK, NTK- teledıdarlaryn; Astana FM, Shalqar, Retro FM, Avtoradıo, Qazaq radıolaryn) is-áreketter týraly nusqaýlar men aqparat alý úshin qosýlary kerek», delingen habarlamada.
Astana qalasynyń TJ departamenti qala turǵyndaryn sabyrlyq saqtaýǵa, úreılenbeýge shaqyrady.
