Astanada quqyq qorǵaý organynyń qyzmetkerine oq atý dereginiń mán-jaıy aıtyldy

ASTANA. KAZINFORM — QR Іshki ister mınıstriniń orynbasary Sanjar Ádilov elorda kóshesinde oq atý deregine qatysty túsinik berdi.

Aıta keteıik, ótken aptada kóshege ańshy myltyǵymen shyqqan adamdy ustaý kezinde polıtseı jaralanǵany málim boldy. 

- Polıtseı kóshede qarýmen júrgen adamdy kórip, ony quryqtaýǵa áreket etken. Alaıda kúdikti onyń arqa tusyna oq atqan. Qazir bizdiń qyzmetker emdelip jatyr, alǵashqy kúnderi ol reanımatsııada boldy. Qylmyskerdi quryqtaǵannan keıin, sol jerge ózge de polıtseıler bardy. Kúdikti ustalyp, qamaýǵa alyndy, - dedi S. Ádilov Senatta tilshiler suraǵyna jaýap bere otyryp.

Osy oraıda bul oqıǵa qalanyń ortalyq aýdandarynyń birinde bolǵanyn aıtty. Sol kezde polıtseı qyzmetinen tys ýaqytta sol tóńirekten ótip bara jatqan.

- Bizdiń qyzmetker sol kezde kóligimen júrip bara jatqan. Myltyq ustaǵan adamdy kórgennen keıin toqtap, ony ustaýǵa áreket etti, - dep naqtylady mınıstrdiń orynbasary.

Budan buryn habarlanǵandaı, Sanjar Ádilov Shymkentte jol ortasynda tóbelesip, kisi óltirý deregi boıynsha kúdiktilerdi ustaý isine qatysty túsinik berdi.