Astanada kúdiktilerdi kinásin moıyndatý úshin soqqyǵa jyqqan tórt polıtseı sottaldy

Astananyń qylmystyq ister jónindegi aýdanaralyq soty tórt polıtseıge qatysty azaptaý deregi boıynsha úkim shyǵardy, dep habarlaıdy Kazinform.

Sot polıtseılerdiń kúdiktilerdi kinásin moıyndaý úshin azaptaý áreketterin jasaǵanyn anyqtady.

- T., Á., J. jáne M. polıtsııa qyzmetkerleri bola tura múliktik qylmystardyń aldyn alý, anyqtaý, jolyn kesý jáne ashý boıynsha jedel-izdestirý, jedel-profılaktıkalyq is-sharalaryn júrgizýmen aınalysa otyryp, aldyn ala sóz baılasyp, qalta urlyǵyn jasady degen kúdikpen qamaýǵa alynǵan tórt adamǵa kinásin moıyndatý maqsatynda fızıkalyq kúsh qoldana otyryp, psıhıkalyq zııan keltirgen, - delingen sot habarlamasynda.

Sottalýshylardyń kinási jábirlenýshilerdiń aıǵaqtary, sot-medıtsınalyq saraptamasynyń qorytyndysy, sot-psıhologııalyq saraptamalarymen jáne qylmystyq istiń basqa da materıaldarymen dáleldendi.

- Sot úkimimen T.,Á. jáne M. QK 146-baby, 2-bóliginiń 1, 2) tarmaqtarynda kózdelgen «Qatygez, adamgershilikke jatpaıtyn nemese qadir-qasıetti qorlaıtyn qarym-qatynas, azaptaýlar» boıynsha kináli dep tanylyp, árqaısysyna 4 jylǵa bas bostandyǵynan aıyrý jáne 3 jylǵa memlekettik qyzmette jáne quqyq qorǵaý organdarynda qyzmet atqarý quqyǵynan shettetý jazasy taǵaıyndaldy.

J. QR QK 146-baby, 2-bóliginiń 1-tarmaǵynda kózdelgen «Qatygez, adamgershilikke jatpaıtyn nemese qadir-qasıetti qorlaıtyn qarym-qatynas, azaptaýlar» boıynsha qylmystyq teris qylyq jasaǵany úshin kináli dep tanylyp, 3 jyl 6 aıǵa bas bostandyǵynan aıyrý jáne jáne 3 jylǵa memlekettik qyzmette jáne quqyq qorǵaý organdarynda qyzmet atqarý quqyǵynan shettetý jazasy taǵaıyndaldy.

Qylmystyq kodekstiń 49-babynyń 1-bóliginde kózdelgen «Arnaýly, áskerı nemese qurmetti ataqtan, synyptyq shennen, dıplomatııalyq dárejeden, biliktilik synybynan jáne memlekettik nagradalardan aıyrý» boıynsha M. jáne Z. «Polıtsııa aǵa serjanty», Á jáne T «Polıtsııa serjanty» arnaıy shenderinen aıyryldy, - delingen sot úkiminde.