Astanada kúdikti sómke úshin dúken qorshaýǵa alyndy
ASTANA. QazAqparat - Astanada kúdikti sómkege baılanysty dúken qorshaýǵa alyndy, dep habarlaıdy «QazAqparat» HAA tilshisi elordalyq ІІD baspasóz qyzmetine silteme jasap.
«Jergilikti turǵyn qyraǵylyq tanytyp, ýchaskelik ınspektorǵa Abaı dańǵylynda ornalasqan dúkendegi kúdikti sómke jaıly habarlaǵan. Polıtsııaǵa bul habarlama 15 saǵat 20 mınýtta kelip túsken, polıtseıler men jedel jaýap qaıtarý qyzmeti birneshe mınýttan keıin atalǵan jerge barǵan», - dedi ІІD-de. 
Sómkeni tekserý barysynda eshqandaı kúdikti zat tabylmaǵan. Sómkeniń tabylǵan jerin teksergennen keıin, qorshaý alynyp tastaldy.
